Yama Buddha#Yama Buddha #अनिल अधिकारी
Yama Buddha अनिल अधिकारी
#Yama Buddha
yama buddha ;- https://youtu.be/OavxMZkU7o8
अनिल अधिकारी (१९८७ मे ३० - २०१७ जनवरी १४, चर्चित नाम: यमबुद्ध) नेपाली र्यापर, हिपहप कलाकार तथा गीत रचनाकार थिए। साथी नामक गीतबाट प्रचलित भएका उनी नेपाली हिपहप जगतमा छाएका कलाकार थिए। विशेषतः समाजको विकृतिको विरोधमा थुप्रै गीत रचेका उनी लेखाइको अभिव्यक्तिबाट चर्चित छन् ।[१][२] यम बुद्ध जसको वास्तविक नाम अनिल अधिकारी हो। उनी नेपालका एक चर्चित र्यापर हुन्। वास्तवमा उनले २००७ देखि नेपाली र्याप क्षेत्रमा आफ्नो पाइला टेकेका थिए। उनको सबैभन्दा चर्चित एल्बम मध्ये साथि सर्वोत्कृष्ट रहेको थियो।
उनी श्रीमतीसँगै विगत २ वर्षदेखि लण्डनमा बस्दै आएका थिए। भने १४ जनवरी २०१७ मा उनले लण्डनमानै आत्महत्या गरेका थिए।
विषयसूची
व्याक्तिगत जीवन[सम्पादन गर्ने]
मोरङको सलकपुर घर भएका यम ६ कक्षादेखि काठमाडौंमा बसेर पढेका थिए।भने २०१५ देखि उनी आफ्नी श्रीमती सँगै लण्डन बस्दै आएका थिए।
साङ्गीतिक जीवन[सम्पादन गर्ने]
एल्बमहरू[सम्पादन गर्ने]
यम बुद्धका चर्चित र मुख्य एल्बमहरू निम्न अनुसार रहेका छन्।
- सरकारलाई च्यालेन्ज हो
- मेरो जुत्तामा
- साथी
- आउँदैछु म
- फुटपाथ मेरो घर
- यो प्रसंग
- दिदी
- अन्त्यको सुरुवात
- नाचन
- आमा
- मलामी
- खतरा(आफ्नो निधन भन्दा तीन दिनअघि आफ्नो ट्वीटरमा नयाँ एल्बम ‘खतरा’ लिएर प्रस्तुत हुने जानकारी दिएका थिए।)
जन्म[सम्पादन गर्ने]
उनको जन्म ३० मे १९८७ ३० मे १९८७ लेगुवा, धनकुटा जिल्लामा भएको हो ।
मृत्यु[सम्पादन गर्ने]
२०७३ माघ ७ गते(१४ जनवरी २०१७) आफ्नो काम सकाएर मध्यरातमा सुत्न ओछ्यानमा गएका यम भोलिपल्ट मृत भेटिएका थिए । बिहान ६ बजे बाथरुमको ढोका बन्द भएको पाएपछि परिवारका सदस्यले साँचो खोलेर हेर्दा यम बाथरुमको झ्यालको फलामे डण्डीमा पेटीले बाँधेर झुण्डिएको अवस्थामा भेटिएका थिए ।
उनको निधनको समाचारले स्तब्ध भएका युवाहरूले अत्याधिक मात्रामा सामाजिक संजालमा संवेदना जनाएका थिए ।
पोष्टमार्टम[सम्पादन गर्ने]
अस्पतालले सार्वजनिक गरेको पोष्टमार्टम रिपोर्टमा चिकित्सकले उनले आत्महत्या नै गरेको हो भन्ने पुष्टि गरेका थिए। रिपोर्ट अनुसार आत्महत्या हुनुभन्दा अघि उनले मदिरा सेवन गरेको देखाएको थियो ।साथै उनको पोष्टमार्टम रिपोर्टमा लागुऔषधको सेवन नगरेको पुष्टि भएको डाक्टरलाई उद्धृत गर्दै पारिवारिक श्रोतले जनाएको थियो ।[स्रोत नखुलेको]
मृत्युको शंका र प्रश्न[सम्पादन गर्ने]
मृत्यु पछि उनको मृत्युको बारेमा उनका प्रसंसकबीच विभिन्न अड्कलबाजीहरु काटिएका थिए । कतिपयले दिबंगत गायक कुल पोख्रेल जस्तै ड्राग ओभर भएर मृत्यु भएको भने । कतिले नेपालको सेलिब्रेटी यहाँ तल्लो दर्जाको काम गर्न परेर आत्मग्लानीलेसमेत आत्महत्या रोज्यो भने । विभिन्न अड्कलबाजीको बीच लन्डनस्थित नेपालीहरूले त्यतिबेला यस्तो शंका गर्न थालेका छन् ।जुन निम्न अनुसार रहेको छ ।
१. बेलायतको बाथरूम उति अग्ला नै हुदैनन्। त्यसकारण, झुण्डिएर आत्महत्या गर्न सम्भव हुन्न ।
२. प्रायजसो बेलायतको बाथ रूममा चाबी लगाउने गरिदैन। भित्र पट्टिबाट ढोका लक् (बन्द) गर्ने सिस्टम हुन्छ। उक्त घरमा चाबिनै थियो भने पनि चाबी भित्र पट्टि बाट बन्द हुन पर्ने हो। भित्र पट्टिको चाबी नखोली कसरी ढोका खुल्यो? ढोका फोडिनु पर्ने? तर ढोका नाफोडी कसरी चाबिले ढोका खुल्यो?
३. उनको शरीरमा ज्याकेट कसरि भयो? सुत्न लागेको मान्छे आफ्नो कोठामा नै भएको बाथ रूम जान लाग्दा किन ज्याकेट लगाउनु पर्यो?
४. झुण्डिँदा कसरी बंगारा भाच्चियो?
५. सँगै सुतेको श्रीमतीलाई ३/४ घण्टासम्म श्रीमान नफर्किदा किन थाहा भएन?
६. प्रहरीले फिंगर प्रिन्ट जाच गर्यो कि गरेन?
Comments